Synopsis Topeng Dalem Sidhakarya Duta Kota Denpasar Sepengrawuh Ida Sang Brahmana saking jagat Keling (Jawi) Ring Pulina Bali gumanti wantah jagi nyaksinin indik Karya Agung Eka Dasa Ludra lan Nangluk Merana sane kepari dabdab antuk Murdaning Jagat Bali wenten tiyos Ida Dalem Waturenggong, naler kedeh manah Ida Sang Brahmana mangda uning ring semeton sane wenten ring Bali. Sakewanten mebalik dados wicarane, Ida palungguh Dalem nenten ngangken Sang Brahmana semeton seantukan kekantenang ida daki cuwil mabusana compang-camping tan anut sekadi sang Brahmana jati ngantos sang Brahmana katumdung manggda matilar ring genah irika. Punika mawinan Sang Brahmana sungsut kayune tur ngurang lampah rawuh ring Bandana Negara, sane mangkin kabawos genah Ida Ring Desa Sidakarya. Jengah erang kayun Ida tur mastu karyan Ida Dalem mangda wug/benyah. Medaging sekadi pemastun Ida Sang Brahmana wug/benyah karyan Ida palungguh Dalem. Ngantos ngewentenang paparum agung mawosang indik kewentenan karya puniki. Daging pamutus parumane, mangda ngaruruh Sang Brahmana ka Bandana tunas icing mangde Ida ledang nyarengin muputang indik karya sane kepari dabdab antuk palungguh Dalem. Tur sangkaning punika raris Ida Dalem eling ring angga, eling ring semeton, eling ring panjak, naler Sang Brahmana ke Jawi. Mangde jemenek eing Bali sareng-sareng angawe ayuning jagat Bali. Ida Dalem nganggehang pahem Ciwa, Sang Brahmana nganggehang pahem Budha. Mawinan Ciwa kalawan Budhane tunggil ring Pulina Bali. Naler Sang Brahmana keicen gelar Dalem Sidhakarya. Nama Sekaa : Sekaa Petopengan Wirama Tirtayasa, Br. Sekar Kangin Desa Sidakarya, Densel Koordinataor : I Nyoman Geguh